طريقة اضافة توقيع على صوره من الجوال

بسم الله الرحمن الرحيم

السلام عليكم و رحمة الله و بركاته

رح اقدم لكم موضوع الكثير يبحث عنه و ما يلقاه بسهوله او بالتوضيح المطلوب

وهو " طريقة اضافة توقيع على صوره من الجوال " 

 أتمنى من الجميع استخدام الموضوع لغرض خاص و ليس لتزوير صور الآخرين

في البداية رح نستخدم برنامج Photoshop أو أي برنامج تحرير صور يناسبك

طبعاً بنستخدمه مره واحده فقط 

الآن رح نفتح الفوتوشوب و نفتح ملف جديد 

حاول انك تخلي ابعاد الصوره بشكل كبير عشان لما تضيف التوقيع يكون بشكل كبير و بعدين

صغر التوقيع بالحجم اللي يناسبك

خلفية الصوره خليها شفافه Transparent

 مثل الموضح في الصوره

الآن نضيف التوقيع على الصوره الجديده

يفضل يكون التوقيع حقك بحجم كبير

مثل الموضح في الصوره

بعد ما اضفنا التوقيع رح نحفظه مرتين

مره بالأسود و مره بالأبيض عشان تستخدمهم حسب الوان الصوره 

اللي بتضيف عليها التوقيع في الجوال.

عشان تحفظ الصوره بدون ظهور الخلفية اختر الصيغة PNG

مثل الموضح في الصوره

و كدا نكون خلصنا من مرحلة تصميم التوقيع من الفوتوشوب أو برامج التحرير

و ننقل التوقيع الاسود و الابيض للجوال عشان نصير نستخدمهم باستمرار

-----------------------------------------------------------

الآن رح اعطيكم البرنامج الجميل جداً و المفيد و الحلو 

وهو برنامج متعدد المهام 

PicsArt

تحميل البرنامج على 

-----------------------------------------------------

الآن رح نبدأ بطريقة استخدام البرنامج و من فين نفتح صوره و من فين نظيف التوقيع 

و ايش اللي تسويه مع التوقيع

هذي واجهة البرنامج على أندوريد و أبل

في البداية نختار PHOTO

و نختار الصوره اللي نبغاها من الاستديو

بعدها رح تظهر لنا الصوره بهذا الشكل (الصوره من تصويري D: )

ثم تختار Add Photo اللي عليها السهم في الصوره 

و نروح الاستديو نجيب التوقيع اللي سويناه بالفوتوشوب

(البرنامج متعدد الاستخدامات مو للتوقيع فقط )

ملاحظة : في اندرويد اسحب باصبعك حتى تلقى اداة اضافة الصور و في أبل اضغط على علامة (+) بتظهر لك رموز اضافية بينها اداة اضافة الصور

لما نختار التوقيع من الاستديو رح يظهر معانا في البرنامج مثل الصوره تحت

و لا تنسى تخلي التعديلات كلها اصفار مثل اللي في الصوره عشان ما تطلع

لك برواز و خرابيط على التوقيع

و بعدها تختار علامة صح المؤشر عليها في الصوره

رح يظهر لك التوقيع في الصوره بهذا الشكل 

حرك و غير في حجمه و تحكم في الشفافية بالشكل اللي يناسبك

و لما تخلص من تحريك و تعديل التوقيع اضغط علامة صح عشان يصير التوقيع جاهز

بعدها احفظ الصوره 

و كدا خفظنا الصوره و خلصنا من اضافة التوقيع عليها

(المعذره يمكن دقة الصوره مش كويسه عشان حجمها صغير)

اتمنى من الجميع تطبيق الطريقة لاستخدامك الخاص وليس لتزوير صور الغير

ان شا الله يكون الشرح واضح و قدرت افيدكم

تحياتي لكم